Ал Талас районунун Кырк-Казык айылында төрөлүп, чоңойгон жана азыр Байсейит уулу Эшмамбет атындагы орто мектептин 11-классына окуйт. Окуусун аяктагандан кийин музыкалык окуу жайына кирүүнү кыялданат.
«Музыкага болгон кызыгуум, балким, ата-энемден өткөн. Атам кыяк ойноого жана ырдоого кызыкса, апам жогорку музыкалык билимге ээ болуп, көп жылдан бери мектепте жана бала бакчада балдарды окутуп келет», — дейт Камила.
Мен азырынча музыкалык аспаптарда ойноону билбесем да, бул мен үчүн абдан кызыктуу. Менин келечекте бул нерсени үйрөнүү максатым бар.
Жаш кезимден бери ырдаганды жакшы көрөм жана өз каалоом менен ырдайм. Апам дайыма жанымда болуп, мени активдүү колдойт. Ал менин сахнага чыгуумда негизги роль ойноду.
Ар бир чыгыш мага ар түрдүү эмоцияларды тартуулайт: толкундануу, кубаныч жана жоопкерчилик сезими. Мен сахнадан коркпойм, анткени балалык кезимден бери анда чыгып, өзүмдү комфорттуу сезем. Ошондой эле башка аткаруучулар менен баарлашып, алардан кеңеш алуу мага абдан жагат, бул мага баалуу тажрыйба берет. Көрүүчүлөрдүн колдоосу жана жакшы сөздөрү — менин негизги мотивациям.
Ар бир конкурс, концерт же той алдында мен кылдат даярданып, сахнага толук ишеним менен чыгууга аракет кылам», — өз ойлорун бөлүшөт Камила.
Камила алты бир туугандын эң кичүүсү, алар дайыма аны колдошот.
