Учурдагы мыйзамдарга ылайык, жарандардын ПИН номерин өзгөртүү мүмкүн болгон учурлар белгиленген. Аларга төмөнкүлөр кирет:
- жарандык абал жөнүндө мыйзамдарда каралган учурларда туулган күндү тууралоо;
- бир нече жаранда бирдей ПИН номеринин болушу;
- берилген ПИН номеринде жыныс жана туулган күн боюнча катачылыктар;
- Кабмин тарабынан белгиленген тартипте кылмыш процесси катышуучуларынын укуктарын коргоо боюнча мыйзамдардын нормаларын колдонуу;
- өзгөчө учурларда — 2017-жылдын 1-июлунан мурун ПИН номерин берүүдө кеткен техникалык катачылыктар.
Цифрдык өнүктүрүү министрлиги жогоруда аталган негиздерди алып салууну сунуштап, Кабминге ПИН номерин берүү жана өзгөртүү тартибин мыйзамга ылайык актылар аркылуу белгилөө укугун калтырууну сунуштоодо. Ошентип, аталган негиздер тиешелүү мыйзамга ылайык актыларга өткөрүлөт.
