Мамлекеттин калкынын 41% дан ашыгы толук тамактанууга мүмкүнчүлүк ала албайт
Бириккен Улуттар Уюмунун (БУУ) Дүйнөлүк азык-түлүк программасынын жаңы отчетунда Кыргызстандагы жарандардын болжол менен 26% кедейчилик чегинде жашап жатканы айтылат.
Бул уюмдун маалыматы боюнча, өлкөдөгү адамдардын 41% дан ашыгы толук тамактанууну камсыздай албайт. Ошондой эле, кыргызстандыктардын 75% дан көбү акча алып же чыгымдарын кыскартууга, анын ичинде саламаттыкты сактоо чыгымдарын кыскартууга мажбур болушууда. Мындан тышкары, беш жашка чейинки балдардын 21% анемиядан жабыркайт.
Эң оор абал Баткен облусунда байкалууда, анда кедейчилик деңгээли 40% дан ашат.
Абалдын оорлогу климаттык коркунучтар, мигранттардын акча которуусуна көз каранды болуу, айыл чарба өнүгүүсүнүн төмөн деңгээли, ошондой эле азык-түлүк жана отун бааларынын өсүшү менен курчуп жатат.
сүрөт www
