Шаар башчысы бул ишкананын продукциясы региондогу курулуш иштерин жогорку сапаттагы материалдар менен камсыз кылуу үчүн өтө маанилүү экенин белгиледи. Ал ошондой эле жергиликтүү өндүрүштү колдоо мэриянын негизги багыттарынын бири экенин айтып, Кыргызстанда өндүрүлгөн материалдарды колдонуу зарылдыгын баса белгиледи.
Азыркы учурда жаңы заводдо 18, 24 жана 33 метр узундуктагы балкалар өндүрүлүүдө. Өндүрүш процессинде заманбап технологиялар колдонулуп, чыгарылган продукциянын жогорку сапаты камсыздалууда.
Ишкана жакынкы күндөрдө салтанаттуу ачылышка даярданып жатат. Ачылган соң, ал Кыргызстанда курулуш балкаларын массалык өндүрүүчү жалгыз завод болуп калат.
