Бишкектеги «Ак-Ордо» конушунда 750 окуучуга ылайыкталган жаңы мектептин курулушу аяктады. Курулуш министрлигинин маалымат кызматы билдиргендей, билим берүү мекемеси заманбап технологияларды колдонуу менен, анын ичинде ири панелдик курулуш менен курулган.
Мектеп бардык зарыл болгон нерселер менен жабдылган: бул жерде кең класстар, эмгек жана информатика кабинеттери, лабораториялар, медициналык кабинет, китепкана, ошондой эле актовый жана спорт залдары каралган. Учурда жапсарлаш аймакты көрктөндүрүү боюнча иштер улантылууда.
Курулуш мамлекеттик бюджеттин эсебинен каржыланган. Иштер 2025-жылы башталган жана турак-жай-граждандык курулуш департаментинин көзөмөлүндө жүргүзүлгөн.
Мындан тышкары, «Ак-Ордо» конушунда учурда дагы эки ири билим берүү долбоорун ишке ашыруу улантылууда.
