Курулуш аянтчасынын даярдык иштери аяктоодо.
Президент Садыр Жапаровдун демилгеси менен Ак-Бата жашоо массивинде 650 окуучуга ылайыкташкан мектептин курулушу башталды. Бул маалыматты Курулуш, архитектура жана турак жай-коммуналдык чарба министрлигинин өкүлдөрү билдиришти.
Министрликтен билдиришкендей, учурда жер иштеринин аяктоосу жүрүүдө.
Проект мамлекеттик бюджеттен каржыланат жана заманбап стандарттарга жооп берген билим берүү мекемесин түзүүнү көздөйт. Генералдык пландын негизинде, мектеп эки кабаттуу, беш блоктон турган жана жалпы аянты 5257 квадрат метрди түзөт.
Министрликтин маалыматына ылайык, курулуш аяктагандан кийин жаңы билим берүү мекемеси 1200дөн ашык окуучуну кабыл ала алат. Учурдагы мектепте орун жетишпестик чоң көйгөй болуп жатат — класстарда 40–50 бала окуйт, бул окуу процессин кыйындатууда.
