Кыргызстан жана Афганистандын бизнесмендери 157 миллион долларга 11 келишим түзүштү
Афганистандын борбору Кабулда кыргыз-афган бизнес-форуму өтүп, 157 миллион долларга 11 ниет келишими түзүлдү. Иш-чаранын уюштуруучусу Кыргыз Республикасынын Экономика жана соода министрлигине караштуу "Кыргыз Экспорт" борбору Афганистандын Соода жана инвестиция палатасы менен кызматташып иш алып барды. Эки өлкөнүн мамлекеттик мекемелеринен жана бизнес коомчулуктарынан 100дөн ашуун катышуучу форумга катышты.