Башында мелдештер 3-декабрда Дубайда башталышы керек болчу, бирок эми алардын башталышы 4-декабрга белгиленди.
«Кыргызстандык боксчулардын визалары убагында алынбагандыктан, турнирдин башталышын бир күнгө жылдырууну чечтик. Бардык спортчулар визаларын алышты жана бул жакка келе башташты. Ошондой эле дагы эки өлкөнүн өкүлдөрүнүн келүүсүн күтөбүз», - деди Кремлев 2-декабрда турнирдин ачылышында.
Мурда маалымдалгандай, ОАЭге визаларды биринчи болуп Кыргызстандан эки боксчу алган, андан кийин аларга дагы үч спортчу кошулду, ал эми бардык команда президенттин администрациясынын кийлигишүүсү аркылуу чыгып кетүүгө мүмкүнчүлүк алды.
