1-декабрда Жалал-Абад аэропортунда аларды шаар мэринин орун басары Гүлбарчын Таштанбекова, дене тарбия жана спорт башкармалыгынын начальниги Нурсултан Рустамов жана чемпиондордун жакын туугандары тосуп алышты.
Кыргызстандын улуттук командасы Абу-Дабиде 21-ноябрдан 30-ноябрга чейин өткөн чоңдор арасындагы кикбоксинг боюнча дүйнө чемпионатында ийгиликтүү катышып, эки алтын жана бир коло медаль утуп алды.
Алтын медалдарды Манас шаарынан келген эки спортчу алып келишти:
- Ходжиакбар Камбаров — 51 кг салмак категориясында дүйнө чемпиону;
- Тахир Марасулов — 94 кг салмактагы титулдун ээси.
Бул ири спорттук иш-чарага 150 өлкөдөн 2000ден ашык спортчу катышты. Чемпионатты БАЭнин муай-тай жана кикбоксинг федерациясы дүйнөлүк кикбоксинг ассоциациясы (WAKO) менен биргеликте уюштурду.
