32 жаштагы Лингард 2024-жылдын февраль айында "Сеул" ФК менен келишим түзүп, эркин агент катары командага кошулду. Ошондон бери ал 66 оюн өткөрүп, 18 жолу гол киргизди. Анын акыркы беттеши "Мельбурн Сити" менен Азия чемпиондар лигасында өтөт.
Футболчу Instagram баракчасында клубга жана күйөрмандарга ыраазычылык билдирип, Түштүк Кореяда өткөргөн убактысын "тамаша" деп баалады. Ал атмосфера, ошондой эле күйөрмандар тарабынан көрсөтүлгөн колдоо жана кызыгуу анын үчүн өтө маанилүү болгонун белгиледи.
Клуб да Лингарддын жаңы этапта карьерасын улантууну көздөгөнүн тастыктады. Ал команда менен трофейлерге ээ боло албаса да, "Сеулга" биринчи сезонунда төртүнчү орунду ээлөөгө жардам берди, бул 2019-жылдан берки клубдун эң жакшы жыйынтыгы болду. 2025-жылы команда чемпионатты алтынчы орунда аяктады.
Жаракаттан улам кыйын башталышына карабастан, Лингард командада маанилүү фигурага айланды жана даже капитан болду. Анын кийинки клубу тууралуу маалымат азырынча жарыяланган жок.
