Мындай жетишкендикке командасынын жогорку рейтингинин аркасында жетишилди. Соңку эки жылдын ичинде кыргызстандык волейболчулар эки жолу Борбордук Азия волейбол ассоциациясынын турниринде жеңүүчү болушкан. Учурда курама дүйнөлүк рейтингде 62-орунду, Азияда болсо 10-орунду ээлеп турат.
Турнирге континенттин 12 мыкты командасы катышат: алардын жети өткөн жылдын жыйынтыктары боюнча тандалып алынган, калган беш команда рейтинг боюнча орун алышкан.
Улуттар Кубогу 6-14-июнь күндөрү Филиппиндерде өтөт. Биринчи этапта командалар эки топко бөлүнөт, андан кийин ар бир топтон эки мыкты команда «Төрт финал» этапына өтөт. Калган командалар 5-12-орундар үчүн күрөшөт.
