Бул буйруктун алкагында иш-чаралар планы, программаны ишке ашырууну мониторингдөө жана баалоо үчүн индикаторлор матрицасы кабыл алынган.
Бул чечимдин максаты — калктын футболго активдүү катышуусуна ыңгайлуу шарттарды түзүү, спортчулардын чеберчилигин жогорулатуу жана жаштар арасында саламаттуу жашоо образын популяризациялоо.
Мамлекеттик органдар жана жергиликтүү бийлик, ошондой эле юридикалык жактардын бирикмеси «Кыргыз футболдук союзу» (макулдашуу боюнча) милдеттүү:
1) иш-чаралар планынын аткарылышынын мөөнөттөрүн катуу сактоого;
2) жыл сайын негизги пландын негизинде өзүнүн иш пландарын иштеп чыгып, ишке ашырууга;
3) иш-чаралар планынын аткарылышы тууралуу маалыматты Кыргыз Республикасынын Министрлер Кабинетинин алдындагы Физикалык маданият жана спорт мамлекеттик агенттигине отчеттук жарым жылдыктан кийинки айдын 5-күнүнө чейин берүү.
Буйрук расмий жарыяланган күндөн он күн өткөндөн кийин күчүнө кирет.
