2026-жылга карата рейтингде экинчи орунда турган турнир 25-февралда Албаниянын борбору Тиранада башталды.
Соревнованиянын биринчи күнүндө алты медаль комплекти ойнолду. Турнирге Кыргызстандан сегиз күрөшчү катышты, бирок Билол Шарип уулу жаракат алып, күрөшкө чыга алган жок.
Эрназар Акматалиев 70 кг салмак категориясында алтын медаль утуп алса, анын мекендеши Залкарбек Табалдиев ошол эле салмак тобунда коло медаль алды. 74 кг салмакта Орозобек Токтомамбетов күмүш медаль утуп, финалда Ирандык күрөшчүгө жеңилди.
Ошол эле учурда, Абдумалик Карачов (57 кг чейин), Бекзат Алмаз уулу (61 кг чейин), Өскөнбай Абдисаматов (65 кг чейин), Рустамжан Кахаров (70 кг чейин) жана Адилет Акматбеков (74 кг чейин) медаль утууга жетише алышкан жок.
