Албаниянын борбору Тирана шаарында 25-февралдан 1-мартка чейин спорттук күрөш боюнча Muhamet Malo-2026 экинчи рейтингдик турнири өттү.
Кыргызстан Республикасынын Физикалык маданият жана спорт мамлекеттик агенттигинин маалымат кызматына ылайык, мелдешке өлкөдөн 28 балбан катышып, үч стилде: эркин, аялдар жана грек-рим күрөшүндө чыгышты.
Турнирдин жыйынтыгы менен спортчулар жалпы 9 медаль утушту.
Эркин күрөш:
70 кг салмак категориясында алтын медалды Эрназар Акматалиев утту;
74 кг категориясында күмүш медаль Орозобек Токтомамбетке тийди;
Бронзалык медаль Залкарбек Табалдиевге берилди.
Аялдар күрөшүндө төрт катышуучу да байгелүү орундарды ээлешти:
76 кг салмакта алтын медалды Айпери Медет кызы утту;
72 кг жана 68 кг категорияларында күмүш медалдарды Нурзат Нуртаева жана Мээрим Жуманазарова жеңип алышты;
65 кг салмакта бронзалык медаль Гулнур Таштанбековага тийди.
Грек-рим күрөшү:
72 кг жана 97 кг категорияларында бронзалык медалдарды Раззак Бейшекеев жана Узур Жусупбеков утту.
