Соревнования 28-февралда өттү, Нуртаева 72 кг салмак категориясында чыгыш жасап, 7 күрөшчү эки топко бөлүнүп катышты.
Топтук беттештерде кыргызстандык спортчу Болгария жана Индиядан келген атаандаштарына каршы үч жеңишке жетишип, биринчи орунду ээлеп, жарым финалга өттү.
Жарым финалдык беттеште Нуртаева поляк спортчу Виктория Чолужду жеңди, бирок финалда казакстандык күрөшчү Жамиля Бакбергеновага жеңилип калды.
Ошентип, Нурзат Нуртаева экинчи орунду ээлеп, күмүш медалды утуп алды.
27-февралда башка кыргызстандык спортчулар да ийгиликке жетишти: Мээрим Жуманазарова күмүш, ал эми Гулнура Таштанбекова коло медалды утуп алышты.
