Окуя 18-октябрда таңкы саат 4:30 чамасында Москва районунун Петровка айылындагы газ станциясында болгон. Бетин медициналык маскалар менен жапкан белгисиз адамдар инкассаторго кол салып, анын бетине перцовый аэрозоль чачып, эки сумкасын алып кеткен.
Бул окуя Кыргыз Республикасынын Кылмыш-жаза кодексинин 207-беренесине («Тоноо») ылайык катталган.
Оперативдик иш-чаралардын жүрүшүндө милиция кызматкерлери төрт шектүүнү кармашты: С.Т. (1988-жылы туулган), И.Н. (1987-жылы туулган), У.М. (2000-жылы туулган) жана Д.Ш. (2002-жылы туулган). Сот алардын камакка алынышы тууралуу чечим кабыл алды.
Учурда бул иш боюнча иликтөө улантылууда.
