Алы́мкулов Карыпбек Алы́мкулович (1938), техникалык илимдердин доктору (1970), профессор (1992)
Кыргыз. Кыргыз Республикасынын Чүй облусунун Сокулук районундагы Белек айылында төрөлгөн. ФПИни (1960) жана Ленин атындагы Электротехникалык институттун аспирантурасын (Ленинград, 1964) аяктаган.
БПИде окутуучу, улук окутуучу, доцент, КСЭнин Башкы редакциясынын бөлүм башчысы, НИИЭМдин директору, Кыргыз Республикасынын Министрлер Кабинетинин башкаруу институтунун ректору, «Электротехника» НТЦсынын директору болуп иштеген, 1992-жылдан бери КТУнун профессору.
Электротехника тармагында адис. Кыргыз Республикасынын ИАнын академиги (1992), МИ Анын мүчөсү (1994), Эл аралык электротехникалык илимдер академиясынын мүчөсү (1998). Кыргыз ССРинин Ардак Грамоталары менен сыйланган (1978, 1985), СССРдин медалы (1987), «Данк» медалы (2000).
160тан ашык илимий эмгектери жарык көргөн, анын ичинде 9 монография, 8 сөздүк. Анын жетекчилиги астында 4 кандидаттык диссертация корголгон.
Негизги эмгектери:
1. Жүрүүчү объектилер үчүн электр энергиясы жабдуулары (биргелешип авторлук). Фрунзе, «Кыргызстан», 1975.
2. Кичи кубаттагы электр кыймылдаткычтары. Фрунзе, «Кыргызстан», 1976.
3. Кыргызстанда машина куруунун өнүгүү келечеги (биргелешип авторлук). Фрунзе, КиргизИНТИ, 1991.
4. Бирфазалуу электр кыймылдаткычтар үчүн асинхрондук кыймылдаткычтар (биргелешип авторлук). Бишкек, «Илим», 1991.
5. Кичи кубаттагы электр кыймылдаткычтары үчүн бирфазалуу асинхрондук кыймылдаткычтар. Изилдөөлөр, иштеп чыгуу, киргизүү. Бишкек, 1995.
