ШАМБЕТОВ Замирбек Касенович
Архитектор. 1953-жылы Ош облусунун Ленин районундагы Ленин айылында туулган.
1975-жылы Фрунзе политехникалык институтунун архитектура факультетин аяктаган. «Фрунзегорпроект» институтунда улук архитектор болуп иштеген. 1985-жылы Кыргыз ССРинин Мамлекеттик курулушу тарабынан Ардак грамотасы менен сыйланган.
1979-жылдан бери СССР архитектуралар союзунун мүчөсү.
Экс-борбордук базар турган жерде пайда болгон коомдук тамактануу ишканалар комплексинин түзүүчүлөрүнүн бири 3.Шамбетов. Бул имаратта функционалдык, шаар куруу жана көркөм-образдуу маселелер өзгөчө чечилген. Мында активдүү эс алуу үчүн бардык шарттар бар — параддык баскычтар, фонтандар, люстралар.
Институтту аяктаган соң, чоң адистер тобунун курамында Фрунзе шаар борборунун деталдаштырылган пландоосунун долбоорун иштеп чыгууга катышкан. Ал шаардык ансамблдерди, аянттарды түзүүдө гана эмес, ошондой эле өзүнүн уникалдуу жана кескин сунуштарын эркин билдирген. Анын сунуштары борбордун долбоорун иштеп чыгуу системасына кирген.
Негизги курулуштар
1982.280 кабыл алуучу кардиологиялык поликлиника (топтун курамында);
1984. Коомдук тейлөө ишканаларынын комплекси (топтун курамында);
1985. Кардиология институтуна кошумча курулуш (топтун курамында); «Восток-5» микрорайонун курулушу. III кезек (топтун курамында); Фрунзе шаарындагы Правда, Пушкин, Шопоков, Ленин проспекти менен чектелген кварталдын курулушу (топтун курамында).
Конкурс иштер
1975. Кыргызстандын Коммунисттик партиясынын Борбордук комитетинин имараты (топтун курамында, ыраазычылык сыйлыгы);
1978. Фрунзе шаарындагы борбордук бөлүктүн курулушу боюнча эскиз жана турак үй долбоору (топтун курамында, III сыйлык).
