Рыскелдиева Зулайха Кочорбаевна

Рыскелдиева Зулайха Кочорбаевна

Сүрөтчү - кол өнөрчү. 1958-жылдын 8-январында Рыбачье шаарында туулган.

1984-жылы С.А.Чуйков атындагы Кыргыз мамлекеттик көркөм өнөр училищесин, декоративдик-оформительдик бөлүмүн аяктаган. 1984 - 1996-жылдары - Иссык-Куль облусунун Боконбаево айылындагы М.Горький атындагы орто мектепте сүрөт өнөрү боюнча мугалим, 1995 - 1999-жылдары - «Алтын оймок» НПОсунун дизайнери, 1999 - 2001-жылдары - «Алтын Оймок» НПОсунун директору, 1998 - 2003-жылдары - Боконбаево айылындагы республикалык эстетикалык тарбия берүү борборунун (РУМЦЭВ) филиалында «Элдик чыгармачылык» кружугунун жетекчиси. 2000-жылдан бери АКШнын Тынчтык Корпусунун «Ауыл жеринде кедейчиликти жоюу» программасы боюнча кызматташып, жүндөн жаңы буюмдардын үлгүлөрүн иштеп чыгуу боюнча долбоорлорду жетектейт.

2003-жылдан бери Кыргыз Республикасынын сүрөтчүлөр союзунун мүчөсү. Республикалык жана эл аралык көргөзмөлөрдүн катышуучусу.

Кыргыз Республикасынын Өкмөтүнүн Ардак грамотасы, Иссык-Куль облусунун администрациясынын Ардак грамотасы, «Ош 3000» эл аралык фестивалынын дипломун, «Ортолук Азиянын алтын мурасы» кол өнөрчүлөр конкурсу боюнча жеңүүчүнүн дипломун (Алма-Ата) алган.

Сүрөтчүнүн мыкты чыгармалары Кыргыз Республикасынын Г.Айтиева атындагы көркөм искусстволор улуттук музейинде, Москвадагы көргөзмөлөр жана панорамалар дирекциясында, ошондой эле ТМД жана алыскы чет өлкөлөрдүн жеке коллекцияларында сакталууда.