1947-жылы туулган. Фрунзе политехникалык институтун аяктаган.
Учурда Кыргыз Республикасынын Президентинин алдындагы башкаруу академиясынын информатика жана жогорку математика кафедрасынын башчысы болуп иштейт. Такталбаган билимдерди анализдөө жана системалаштыруу, эксперттик системалар, автоматтык башкаруу системалары, экономика жана башкарууда маалыматтык технологиялар боюнча адис. Ал ички чарбалык сугат тармактарында суу бөлүштүрүүнүн динамикалык пландоосу, айыл чарба өсүмдүктөрүн артыкчылык менен сугаруу боюнча алгоритмдерди иштеп чыккан, ошондой эле аларды дискреттик аракеттерди аткаруучу түзмөктөр түрүндө ишке ашыруу ыкмаларын сунуштаган, бул боюнча ойлоп табуулар үчүн автордук күбөлүктөр алынган. Сугаруу графигин түзүү маселеси чечилген. Сугаруу мөөнөттөрү жана нормаларын белгилөө, суу бөлүштүрүү каражаттары үчүн маалыматтык-консультативдик системаны түзүүнүн негизин түзгөн динамикалык пландоо алгоритмдери иштелип чыккан.
Ойлоп табуучулук тармагында жетишкен ийгиликтери үчүн Кыргыз ССР илимдер академиясынын Президиумунун жана ВОИР Кеңешинин грамоталары, Кыргыз Республикасынын Президентинин Администрациясынын ардак грамотасы, «Кыргыз Республикасынын билим берүү отличниги» значогу, «Эмгек ветераны» медалы, Кыргыз Республикасынын Президентинин алдындагы башкаруу академиясынын күмүш медалы менен эки жолу сыйланган.
80ден ашык илимий эмгектери, 5 методикалык чыгармасы, жогорку окуу жайлары үчүн 1 окуу куралы жарыяланган. 7 ойлоп табуунун автору, 4 автордук күбөлүк, алардын 2си өндүрүшкө киргизилген.
Негизги ойлоп табуулар:
1. Суюктук жана чачма заттардын агымын программалык башкаруу үчүн түзмөк. Автордук күбөлүк № 581458, 1977. 2. Сугаруу участоктору арасында сууну бөлүштүрүүнү башкаруу үчүн түзмөк. Автордук күбөлүк № 792220, 1980. 3. Сугаруу ыкмасы. Автордук күбөлүк № 933051, 1982. 4. Контейнерлерди толтуруу үчүн көп каналдуу түзмөк. Автордук күбөлүк № 1037213, 1983. 5. Сугарууну автоматтык башкаруу түзмөгү. Автордук күбөлүк № 1085569, 1984.
