Каримбаев Турсунжан Турашевич
Техникалык илимдердин кандидаты, Кыргыз Республикасынын Инженердик академиясынын академиялык кеңешчиси, Кыргыз Республикасынын билим берүүнүн отличниги.
1958-жылы туулган. 1981-жылы Фрунзе политехникалык институтун аяктаган.
Азыркы учурда КГУСТАдагы Индия-Кыргыз маалымат технологиялары борборунун директору болуп иштейт.
Негизги илимий иштер механикалык структуралары өзгөрүлмө машиналарды жаратууга байланыштуу. Анын катышуусунда муфтансыз пресс-автоматтардын, универсалдуу муфтансыз пресс, комбиналдык пресс-кайчы, сокку берүүчү механизмдери менен жабдылган литник системаларын жоюу үчүн станоктор, кол менен жана электр менен иштеген перфораторлор, ошондой эле ар кандай сокку молотокторунун конструкциялары иштелип чыккан.
1999-жылы Кыргыз Республикасынын Билим берүү, илим жана маданият министрлигинин Ардак грамотасы менен сыйланган.
30дан ашык илимий эмгектери, анын ичинде 3 методикалык көрсөтмөлөр жарыяланган. 5 ойлоп табуунун автору.
Ойлоп табуулар:
1. Пресс машиналарында ползундун жүрүшүн жөнгө салуучу түзүлүш. Авт.св.№ 1532302,1989.
2. Механикалык пресс. Авт. св. № 1816266,1993.
3. Эксцентриктүү механизм. Кыргыз Республикасынын патенти № 133 1995.
4. Кривошип-коромысло механизм. Кыргыз Республикасынын патенти № 14,1995.
5. Сокку берүүчү механизм. Кыргыз Республикасынын алдын ала патенти №24,1996.
