Пахомов Пётр Иванович

Пахомов Пётр Иванович

Техникалык илимдердин доктору, профессор, Кыргыз Республикасынын инженердик академиясынын академиги.

1945-жылы туулган. 1972-жылы Фрунзе политехникалык институтунун геология-кен факультетин “Кен иштери үчүн электрлендүрүү жана автоматташтыруу” адистиги боюнча аяктаган.

Кыргыз-Россия Славян университетинин прибор куруу кафедрасынын башчысы болуп иштейт.

Анын изилдөөлөрүнүн натыйжалары кен өнөр жайында колдонулуп, авариядан кийин шахталык жүктөрдү көтөрүү үчүн техникалык каражаттарды түзүүнүн илимий-методикалык жана практикалык негиздерин изилдөө багытында иш алып барууда.

100дөн ашык илимий жана окуу-методикалык эмгектери жарыяланган, 8 ойлоп табуунун автору.

Негизги ойлоп табуулары:

1. Башкы жана теңдештирүүчү жиптер менен жүктөөчү жабдуунун токтоп калуусун контролдоо үчүн түзүлүш. Автордук күбөлүк № 821373, 1981. Хайдаркан ртутный комбинатында колдонулган, Кыргызстан.
2. Жиптин тартылуусун контролдоо үчүн түзүлүш. Автордук күбөлүк № 1183443, 1985. Каз кенинде колдонулган, Россия.
3. Жүрүп жаткан объекттин жайгашкан жерин аныктоо үчүн түзүлүш. Патент №504, 30.04.2002. Хайдаркан ртутный комбинатында колдонулган, Кыргызстан.
4. Ротордун дисбалансын аныктоо ыкмасы. Заявительдин жоопкерчилигиндеги патенттер КР № 972 жана № 973, 2007. Бишкек машина куруу заводунда колдонулган.
5. Жүктөөчү жабдууну алыстан контролдоо үчүн түзүлүш. Заявительдин жоопкерчилигиндеги патент КР № 1041, 2008.