Абдыкалыков Акымбек Абдыкалыкович

Абдыкалыков Акымбек Абдыкалыкович

Техникалык илимдердин доктору, профессор. 1957-жылы туулган. Фрунзе политехникалык институтун «Курулуш буюмдарын жана конструкцияларын өндүрүү» адистиги боюнча аяктаган.

Одесса инженердик курулуш институтунун аспирантурасын аяктаган.

Азыркы учурда Кыргыз мамлекеттик курулуш, транспорт жана архитектура университетинин ректору.

Кыргызстандагы жогорку окуу жайларынын ректорлор кеңешинин төрагасы. ТМД өлкөлөрүнүн курулуш жогорку окуу жайларынын эл аралык ассоциациясынын президиумунун мүчөсү.

Илимий ишмердүүлүк багыты - композициялык курулуш материалдарынын касиеттерин моделдөө жана оптимизациялоо.

100дөн ашык илимий эмгектер жарыяланган. 4 монография, окуу куралы жана нормативдик документтер. 6 кандидат жана 1 илимдин докторун даярдаган. 15 патентке ээ.

Кыргыз ССРинин Билим берүү министрлигинин Ардак грамотасы (1992), Кыргыз Республикасынын Ардак грамотасы (2002), «Кыргыз Республикасынын элдик билим берүү отличниги» (1995), «Кыргыз Республикасынын эмгек сиңирген кызматкери» (2007), «Азиянын мыкты ректору» (2007) наамдарына ээ.

2007-жылы Мустафа Кемалдын Эл аралык илим жана маданият фонду тарабынан Алтын медаль менен сыйланган.

Негизги ойлоп табуулары:

1. Чепик формалоо үчүн шнек прессине ылайыкташтырылган жабдык. Кыргыз Республикасынын № 689, 2004 патенти.
2. Жылуулук изоляциялык материалды даярдоо үчүн аралашма. Кыргыз Республикасынын № 710, 2004 патенти.
3. Трубопроводдордун жылуулук изоляциясы үчүн жабдык. Кыргыз Республикасынын № 716, 2004 патенти.
4. Аккумулятордук аба жылыткыч. Кыргыз Республикасынын № 929, 2006 патенти.
5. Автономдук жылуулук жана ысык суу камсыздоо системасы. Кыргыз Республикасынын № 1050, 2008 патенти.