Ким Владимир Ильич (1934),
ветеринардык илимдердин доктору (1991), профессор (1998)
Кореец. Россиянын Владивосток шаарында төрөлгөн.
Саратов зооветеринардык институтун (1957) жана аспирантураны (1965) аяктаган.
Россиянын Чита облусундагы Урейский МТСтин башкы ветеринары, Казак ССРинин Целиноград облусундагы Есиль районунун ветеринардык лабораториясынын директору, Кыргыз ССРинин республикалык бруцеллезге каршы экспедициясынын башчысы, Кыргыз ССРинин ИБФ АНында лабораториянын жетекчиси, Кыргыз НИВИнин жаныбарларда бруцеллез жана туберкулезди изилдөө бөлүмүнүн башчысы, 2001-жылдан тартып КАУ им. К.И. Скрябиндин КГНИКИВ бөлүмүнүн башчысы болуп иштеген.
Ветеринардык микро-биология, вирусология, эпизоотология, микология жана иммунология боюнча адис.
СССРдин медалдары, Кыргыз ССРинин Жогорку Кеңешинин Ардак Грамотасы менен сыйланган.
Кыргыз Республикасынын айыл чарбага эмгеги сиңген кызматкери.
130дан ашык илимий эмгектери, анын ичинде 2 монография, 15 ойлоп табуу жарыяланган.
Анын жетекчилиги астында 9 кандидаттык диссертация корголгон.
Негизги эмгектери:
1. Жаныбарларда бруцеллезди алдын алуу жана жоюу боюнча иш-чаралар тууралуу нускамалар (авторлордун бири). Москва, СССРдин АШМ, 1982.
2. Жаныбарларда бруцеллезди диагностикалоо боюнча нускамалар (авторлордун бири). Москва, 1982.
3. Кыргыз Республикасында жаныбарларды бруцеллезден, туберкулезден алдын алуу жана дарылашуу боюнча илимий-өндүрүштүк система. Бишкек, 1992.
4. 19 штаммынан адъювант-вакцина изилдөө. Кырг. НИВИнин эмгектери, чыгарылыш 5. Бишкек, 1996.
5. Жаныбарларда бруцеллез боюнча илимий-изилдөө иштеринин негизги жыйынтыктары. Межведомстволук илимий-практикалык конференциянын материалдары. Кара-Балта, 2001.
