Маймеков Зарлык Капарович (1955),
техникалык илимдердин доктору (1996), профессор (1996)
Кыргыз. Ысык-Көл облусунун Ысык-Көл районундагы Бостери айылында туулган.
КГУнун (1977) жана ИОНХ АН СССРдин аспирантурасын (Москва, 1984) аяктаган.
Стажер-лаборант, ИНФХ АН Кирг. ССРдин м.н.с., ИОНХда (Москва) стажер-изилдөөчү, м.н.с., н.с., с.н.с., ИХиХТ НАН КР лабораториясынын жетекчиси, КГНУ, КГ-МИде профессор, экологиялык инженерия кафедрасынын жетекчиси, 2002-жылдан тарта К-ТУ «Манас» инженердик факультетинин деканы болуп иштеген.
Химиялык технология жана өнөр жай экологиясы тармагында адис.
Америка Биографиялык институту тарабынан «500 илим жетекчиси» жыйнагынын катарына киргизилген. 130дан ашык илимий эмгектери, анын ичинде 2 монография, 3 ойлоп табуу, 14 өнөр жайга киргизүү жарыяланган.
Анын жетекчилиги астында 2 кандидаттык диссертация корголгон.
Негизги эмгектери:
1. Суюктуктун тамчылары менен газдын ортосундагы массалык алмашуу абсорбция жана буулануу процессинде. Бишкек, «Илим», 1993.
2. Эки фазалуу газ-тамчы агымында газ фазасында массалык алмашуунун кинетикасын изилдөө методикасы. Журн. Прикл. химия, Ленинград, 1983, т. 56, №6.
3. Катуу отунду күйгүзүү процессинде уулуу заттардын чыгарылышын ЭВМдин жардамы менен болжолдоо. Теор. осн. хим. технологии, Москва, 1993, т. 27, №6.
4. Суу-туз системаларындагы карбонат тең салмакты башкаруу үчүн түтүн газдарын колдонуу. Теор. осн. хим. технологии, Москва, 1994, т. 28, №1.
5. Экологиялык билим берүү жана тарбия - келечекти издөө (автордук). Бишкек, 1999.
