Орозалиев Керимкул

Орозалиев Керимкул (1912),

тарых илимдер боюнча кандидат (1955), КР Аалымдар академиясынын корреспондент-мүчөсү (1974), илим жана техника боюнча КР мамлекеттик сыйлыгынын лауреаты

Кыргыз. Кант районунун К.Маркс айылында төрөлгөн.

КПССтин Борбордук Комитетинин алдындагы Жогорку партиялык мектебин (1946) аяктаган.

Партийдик органдарда, Кыргыз ССР Илимдер академиясынын директору, Кыргызстандын КП Борбордук Комитетинин партиялык институтунун директору болуп иштеген.

Партиянын тарыхы боюнча адис. СССРдин медалдары, Кыргыз ССР Жогорку Кеңешинин Грамотасы менен сыйланган.

80ден ашык илимий эмгектери жарыяланган.

«Кыргыз ССР тарыхы» деген 2 томдук китебинин авторлорунун бири.