Стрельцов Виктор Андреевич

admin • 27.10.2018, 22:37 • Кыргызстандын илимпоздору

Стрельцов Виктор Андреевич (1932),

техникалык илимдердин доктору (1997), профессор (1993)

Орус. Брянск облусунун Почеп шаарында туулган.

ТАШИИТти (1955) жана Москвадагы Бауман атындагы МВТУнун аспирантурасын (1963) аяктаган.

Алматы жана Фрунзе шаарындагы машина куруу заводдорунда устат, техникалык бюронун начальниги, инструменталдык цехтин начальниги болуп иштеген, азыркы учурда И.Раззаков атындагы КТУнун профессору. Машина куруу технологиясы, металлды кесүү жана металл кесүүчү инструменттер, татаал технологиялык системаларды изилдөө жана моделдөө боюнча адис.

СССРдин медалдары менен сыйланган.

Кыргыз Республикасынын билим берүү тармагындагы эмгеги үчүн ардактуу кызматкер (1999).

160тан ашык илимий эмгектери, анын ичинде 6 монография жана 1 ойлоп табуу жарыяланган.

Анын жетекчилиги астында 5 кандидаттык диссертация коргогон.

Негизги эмгектери:

1. Теңдештирилбеген радиалдык күчтөрдүн тешиктердин тактыгына таасири // Машина куруу вестниги. Москва, 1965, №11, б. 66-68.
2. Машина курууда так тешиктерди иштетүүнүн эффективдүүлүгүн жогорулатуу. Фрунзе, «Кыргызстан», 1970.
3. Тешикти кеңейтүүдө каталардын эсептелиши жана формасы (авторлордун биригүүсүндө). ВУЗдардын маалыматы, Москва, «Машина куруу», 1981. №4, б. 156-160.
4. Жалпы машина куруу кесүү режимдеринин нормалары (авторлордун биригүүсүндө). 2 томдон турган справочник. Т.1. Москва, «Машина куруу», 1991.
5. Кесүүчү инструменттин арткы бетинин иштетилүүчү бет менен байланышуу процессин изилдөө. «Машина куруу вестниги». Москва, 2001. №10, б. 38-41.

Стрельцов Виктор Андреевич (1932),

Дагы окуңуз:

Комментарий жазуу: