Финкель Елена Абрамовна

Финкель Елена Абрамовна (1923),

медициналык илимдердин доктору (1969), профессор (1972), Кыргыз ССРинин илим жана техника боюнча Мамлекеттик сыйлыгынын лауреаты (1988)

Орус. Алтай крайындагы Славгород шаарында төрөлгөн.

КГМИни (1946) аяктап, ошол жерде аспирантураны (1949) бүтүргөн.

КГМИде ассистент, Кыргыз Республикасынын туберкулез боюнча илимий изилдөө институтунун лабораториясын жетектөөчү, Кыргыз Республикасынын экология жана инфекциялык ооруларды алдын алуу боюнча илимий изилдөө институтунун лабораториясын жетектөөчү, 1991-жылдан тартып Кыргыз Республикасынын туберкулез боюнча илимий изилдөө институтунун микробиология лабораториясын жетектөөчү болуп иштеген.

Медициналык микробиология боюнча адис.

«Почет белгиси» ордени менен сыйланган. Кыргыз Республикасындагы илимдин эмгек сиңирген ишмери (2000).

260тан ашык илимий эмгектер жарыяланган, анын ичинде 8 монография, 11 ойлоп табуу, 9 окуу китеби жана окуу куралы.

Анын жетекчилиги астында 10 кандидаттык диссертация корголгон.

Негизги эмгектери:

1. БЦЖ туберкулезду алдын алууда (автордук жамаатта). Фрунзе, «Кыргызстан», 1970.
2. Туберкулез боюнча аутовакцинотерапия (автордук жамаатта). Фрунзе, «Кыргызстан», 1972.
3. Туберкулезди диагностикалоонун биологиялык методу (автордук жамаатта). Фрунзе, «Кыргызстан», 1977.
4. Туберкулез боюнча биологиялык изилдөөлөрдө гидрокортизон методу (автордук жамаатта). Фрунзе, «Кыргызстан», 1976.
5. Туберкулезди диагностикалоо үчүн кургак азык чөйрөлөр (автордук жамаатта). Фрунзе, «Кыргызстан», 1976.