Кыргызстандын мамлекеттик символдору

Мамлекеттик символдор.

Ар бир мамлекеттин өзүнүн мамлекеттик символдору бар — герб, желек, гимн. Алардын жаралыш тарыхы да эски доордон башталат. Гербдердин тарыхын, алардын өзгөчөлүктөрүн атайын илим изилдейт, ал геральдика деп аталат.

Алгачкы гербдер катары ар кандай сүрөттөр, эмблемалар пломба, монета, медальдарда пайда болгон. Убакыт өтүп, ар бир башкаруучу, шаар, мамлекет өзүнө тиешелүү, башкалардан айырмаланган белгилерди алгысы келди. Ошентип, гербдер пайда болду. Батыш Европада гербдер XI—XIII кылымдарда пайда болгон, Россияда бул традициянын башталышы расмий түрдө XVIII кылымда Петр Биринчи тарабынан коюлган.

XX кылымдын башында Кыргызстанда Ош, Пишпек, Пржевальск шаарларынын гербдери иштелип чыгып, бекитилген. Суверендик Кыргыз Республикасының мамлекеттик герби 1994-жылдын 14-январында кабыл алынган, мамлекеттик желеги — 1992-жылы, Кыргыз Республикасының гимни — 1993-жылы кабыл алынган.