18-мартта Ош облустук экологиялык жана техникалык көзөмөл кызматынын инспекторлору Караол айыл өкмөтүндө жайгашкан Орто-Арык айылында рейд өткөрүштү, анда эрежелерди сактабастан аңчылык кылган жарандар аныкталды.
Кароол айылында жашаган тургундар «тынч күндөрдө» — шейшемби жана бейшемби күндөрү аңчылык кылышкан, бул учурда күчүндө болгон мыйзамга ылайык аңчылыкка тыюу салынган.
Окуя болгон жерде мыйзам бузгандар кармалып, аларга КРнын укук бузуулар кодексинин 263-беренеси («Аңчылык эрежелерин бузуу») боюнча административдик чаралар колдонулду. Аларга салынган айыппулдар 12 миң 500 сомдон 25 миң сомго чейин болду.
Табият министрлиги Кыргызстандагы аңчылык эрежелери 2025-жылдын 4-февралындагы №55 өкмөттүн токтому менен бекитилгенин эске салып, жарандарды аларды катуу сактоого чакырды.
