Алматыда өтүп жаткан конгресстин пленардык сессиясында Тургунбаев, миграциянын кайра кайту тенденциясы байкалып жатканын белгиледи: мурда Россияда иштеп жаткан көптөгөн кыргызстандыктар мекенине кайтып келишүүдө. Бирок, кайтып келгендердин саны көбөйгөнүнө карабастан, республикада дагы эле жумушчу күч жетишпейт, бул бийликтерди чет элдик адистерди тартууга мажбур кылууда, деп билдирет Exclusive.kz.
Улуттук банктын башчысынын айтымында, Кыргызстан экономикасы региондогу эң жогорку өсүү темптерин көрсөтүүдө: акыркы үч жылда ИДП жылына 9% дан ашык өстү, ал эми быйылкы жетишкендиктер 10% чамасында. Бул жумушчу рынокко кошумча жүк жаратат.
«Эгер мурда биздин жарандар Россияда иштеп, үйгө акча которуп жатышса, быйыл биз алардын кайтып келүүүн байкап жатабыз. Бирок бул сан дагы жетишсиз, жана рыноктун муктаждыктарын канааттандыруу үчүн биз курулуш жана текстиль секторлору үчүн жумушчу күч импорттоого киришип жатабыз», — деди Тургунбаев.
Ал ошондой эле акча которуулардын көлөмү 2023-жылы $3 миллиардга жетип, мурунку жылдардын рекорддоруна тең келгенин белгиледи.
Регулятордун башчысы чет элдик жумушчуларга болгон муктаждык курулуш, текстиль жана кызмат көрсөтүү сыяктуу тармактардын активдүү өнүгүшү менен шартталганын кошумчалады. Мамлекет бийликтери бюджеттик чыгымдарды көбөйтүп, эмгек акыны жогорулатуу пландарын түзүүдө, бул дагы жумушчу күчкө болгон суроо-талаптын өсүшүнө өбөлгө түзөт.
Жыл сайын өтүүчү финансисттердин конгресси ЕАЭБ өлкөлөрүнүн жана коңшу мамлекеттердин борбордук банктарынын жетекчилерин чогултуп, макроэкономикалык саясатты жана регион үчүн актуалдуу чакырыктарды талкуулоо максатын көздөйт.
