1964-жылы негизделген ITEC программасы Индиянын тышкы иштер министрлигинин квалификацияны жогорулатууга багытталган маанилүү инициативасы болуп саналат. Бул кесиптик даярдык боюнча эл аралык кызматташтыктын эң эски программаларынын бири болуп, ал 160тан ашык өлкөдөн 200 миңден ашык адистин билим алуусуна мүмкүнчүлүк берди, анын ичинде жарандык жана коргонуу секторлору.
2014-жылдан бери Индия 100 миңге жакын стипендиялык орундарды сунуштады, бул билим алгандардын кесиптик жөндөмдөрүн жогорулатууга гана эмес, ошондой эле индиялык маданиятка жана салттарга киришүүгө да мүмкүндүк берди.
ITEC программасынын бүтүрүүчүлөрү жаңы билимдер жана технологиялар менен, ошондой эле индиялык билим берүү руху менен мекенине кайтып келишет. Алар англис тили жана ИТ боюнча сертификаттоо, йога үйрөнүү, салттуу текстильди изилдөө, лидерлик сапаттарды өнүктүрүү программалары, бизнес-изилдөөлөр, аудит курстары, ошондой эле жасалма интеллект жана киберкоопсуздук боюнча курстар сыяктуу ар түрдүү курстардан өтүшөт.
Акыркы он жылда 1,5 миңден ашык Кыргызстандын жарандары бул программа боюнча билим алуу мүмкүнчүлүгүнө ээ болушту. Ар жылы Кыргыз Республикасы үчүн 100 орун бөлүнөт.
Индия элчилиги жакында боло турган курстар жөнүндө социалдык тармактар аркылуу активдүү маалымат берип, кызыкдар тараптарды ITEC порталында арыз берүүгө чакырат.
