Ведомствонун орун басары жаңы эрежелер бардык тигүүчүлөр үчүн тең шарттарды түзүүгө жардам берерин белгиледи.
Сактандыруу төлөмдөрү орточо айлык эмгек акынын 40%ынан 12% түзөт, бул орто эсеп менен болжол менен 2 200 сомго барабар. Ошондой эле белгилүү бир убакыттын ичинде киреше салыгынан бошотуу киргизилиши мүмкүн.Ысабековдун айтымында, бул жаңылык кыйын учурда тигүүчүлөргө колдоо көрсөтөт жана бизнесин легалдаштырууга көмөктөшөт.
Эскерте кетсек, мурда президент Садыр Жапаров "Айрым экономикалык тармактарды колдоо чаралары" деген жарлыкка кол койгон, ал тигүү тармагын жана чакан жана орто ишканаларды (ЧОИ) колдоого багытталган.
Бул жарлыктын алкагында төмөнкү чаралар каралган:
- тигүү тармагы үчүн киреше салыгынын ставкаларын азайтуу;
- тигүү өнөр жайындагы ишканалар үчүн сактандыруу төлөмдөрүнүн тарифтерин төмөндөтүү;
- чакан жана орто ишканалар үчүн сактандыруу төлөмдөрүнүн тарифтерин азайтуу;
- КРдан тышкаркы ишмердүүлүк үчүн 0,1% өлчөмүндө бирдиктүү салык орнотуу;
- чет өлкөлөрдүн банктары аркылуу операцияларды жүргүзүүдө 0,1% өлчөмүндө транзакция салыгын киргизүү.
Министрлер кабинетине тигүү тармагынын катышуучулары үчүн киреше салыгынын ставкаларын жана сактандыруу төлөмдөрүнүн тарифтерин төмөндөтүү мүмкүнчүлүгүн карап чыгуу тапшырылды, бул пенсиондук системанын натыйжалуулугун жогорулатууга жана сектордун социалдык-экономикалык туруктуулугун бекемдөөгө багытталган.
