Долбоор фермерлердин бирдиктүү реестрин түзүүнү камтыйт, анда паспорттук маалыматтар, жер участоктору тууралуу маалымат, ошондой эле техника жана жабдуулар тууралуу маалыматтар жыйналат. Учурда система 400 миңден ашык фермерди каттады.
Фитосанитардык көзөмөл, өсүмдүктөрдүн карантини, сертификаттоо, ошондой эле импорт жана экспорт боюнча операциялар сыяктуу негизги айыл чарба процесстер азыр электрондук формада жеткиликтүү. Бул фермерлерге интернет аркылуу арыз берүү жана керектүү документтерди алуу мүмкүнчүлүгүн берет, бул убакытты кыйла үнөмдөп, каржылык чыгымдарды азайтат.
Долбоордун жыйынтыктары аймактарда байкалып жатат. Мисалы, Нарын облусунун Жон-Булак айылынан Кубатбек Амантуров, аттарды жана малды семиртүү менен алектенет, цифрлык чечимдер эсепке алууну жеңилдетип, сатуу процессин жөнөкөйлөтөт деп белгиледи. Анын буга чейин 90–95 миң сомго сатылган буйволдоруна жергиликтүү тургундардын кызыгуусу жогору бойдон калууда.
