Хакатон жаш иштеп чыгуучулар, IT-специалисттер, техникалык окуу жайларынын студенттери, фермерлер, агроөнөржай комплексинин эксперттери жана изилдөөчүлөр, Кыргызстандын айыл чарбасын цифрлаштырууга өз салымын кошкусу келгендер үчүн маанилүү платформа болот.
Иш-чаранын тематикасы:
Digital Farmer Hackathon 2025тин максаты айыл чарба сектору жана кайра иштетүү өнөр жайы үчүн инновациялык цифрдык чечимдерди иштеп чыгуу жана киргизүү болуп саналат.
Иш-чаранын катышуучуларына коюлган милдеттер:
- цифрдык кызматтардын прототиптерин түзүү;
- программалык чечимдерди жана алгоритмдерди иштеп чыгуу;
- маалыматтарды талдоо үчүн инструменттерди түзүү;
- ресурстарды мониторингдөө жана башкаруу системаларын иштеп чыгуу;
- агрардык өндүрүштүн натыйжалуулугун жогорулатуу үчүн технологиялык чечимдерди сунуштоо.
Сыйлыктар жана байгелер:
- Жалпы сыйлык фонду 200 000 сомду түзөт, ал үч жеңүүчү команда арасында бөлүштүрүлөт.
- Хакатон Бишкектеги Technopark Meta Hallда өтөт, Октябрь районунда, Максима Горького көчөсү, 1/2 жана Анкара көчөсү, 1/2, 2-кабат.
- техникалык, экономикалык жана агрардык адистиктердин студенттери жана бүтүрүүчүлөр;
- жаш адистер жана жаңы иштеп чыгуучулар;
- IT-командалар, программисттер, аналитиктер жана дизайнерлер;
- ишкерлер, стартап лидерлери жана агроөнөржай тармагындагы эксперттер;
- агрардык сектордун цифрдык өнүгүшүнө өз идеяларын кошкусу келген бардык кызыкдар тараптар.
Катышуучуларды каттоо:
Бардык каалагандар хакатонго катышуу үчүн иш-чаранын расмий сайтында каттала алышат: https://hackathon.agro.gov.kg/.
Каттоо студенттерге, адистерге, иштеп чыгуучулар командаларына жана Кыргызстандын айыл чарбасын цифрдык өнүктүрүүгө салым кошкусу келген бардык адамдарга жеткиликтүү.
