Президенттин басма сөз кызматынан алынган маалыматка ылайык, бул мыйзам сот системасын жакшыртууга жана жарандарга заманбап санариптик технологиялар аркылуу адилеттикке кеңири жеткиликтүүлүктү камсыздоого багытталган.
Мыйзамдын негизги максаттары төмөнкүлөрдөн турат:
– санариптик сот өндүрүшүн киргизүү үчүн юридикалык шарттарды түзүү, бул иштерди кароонун жана чечимдерди кабыл алуунун процессин тездетет, ошондой эле кагаз документтерди салттуу колдонууга альтернатива сунуштайт. Бул талап арыздарды берүү менен чектелбестен, соттук процесстерге катышкан жарандардын, талапкерлердин, жоопкерлердин, күбөлөрдүн жана башка катышуучулардын документтик тастыктоону талап кылган бардык кийинки аракеттерин жана демилгелерин камтыйт. Мындан тышкары, мыйзам жарандардын сотко жеке барышын кыйла азайтууга мүмкүндүк берет;
– санариптик технологияларды колдонуу менен байланышкан процессуалдык эрежелерди жөнөкөйлөтүү, бул жаңы санариптик кызматтарды, техникалык даярдыгына жараша, сот менен өз ара аракеттенүүнү жеңилдетүү үчүн тезирээк интеграциялоого мүмкүндүк берет.
Мыйзам 2026-жылдын 1-январынан күчүнө кирет.
