Инициатива "Пестициддердин жашоо циклин башкаруу жана Борбордук Азия менен Түркиядагы СОЗ-пестициддерди жоюу" долбоорунун алкагында ишке ашырылууда.
Электрондук система препараттарды каттоодон баштап, кампаларга жеткирүүгө чейин эсепке алуу жана көзөмөлдөө функцияларын камсыздайт. Мындан тышкары, ал айыл чарбада колдонууга уруксат берилген каражаттар боюнча актуалдуу маалымат базасын түзөт.
Жаңы платформа мамлекеттик мекемелер, жеткирүүчүлөр жана айыл чарба продукциясын өндүрүүчүлөр үчүн жалпы маалыматтык мейкиндикти түзүүгө жардам берет, бул, өз кезегинде, көзөмөл системасын жакшыртып, өсүмдүктөрдү химиялык коргоо каражаттарын колдонуу менен байланышкан тобокелдиктерди минималдаштырууга мүмкүнчүлүк берет. Минсельхоздо акыркы он жылда катталган бардык пестициддер жана агрохимикаттар базалык маалыматка киргизилүүдө, бул толук жана актуалдуу реестр түзүүгө мүмкүндүк берет.
Электрондук реестринин негизги артыкчылыктарынын арасында төмөнкүлөрдү белгилөөгө болот:
- жеткирүүчүлөр үчүн бирдиктүү санариптик платформа аркылуу иштин жеңилдеши;
- арыздарды иштетүүнү автоматташтыруу, документтерди текшерүү жана маалыматтарды жаңыртуу;
- каттоо жана көзөмөлдүн ачык-айкындуулугун жогорулатуу;
- базардагы бардык катышуучулар үчүн актуалдуу маалыматка ыкчам жеткиликтүүлүк;
- кагаз документооборотун кыскартуу жана адистердин ишин оптималдаштыруу;
- пестициддердин жашоо циклин каттоодон баштап сактоого чейин көзөмөлдөө;
- экологиялык жана санитардык тобокелдиктерди азайтуу, агроөндүрүштө коопсуздукту жогорулатуу.
