Регулятордун маалыматына ылайык, межбанкттык рынокто 179,5 миллион АКШ доллары сатылган.
«Бул суммадан Улуттук банк 106,5 миллион долларды келишим түзүлгөн күнгө карата сатса, 73 миллион долларды келишимден башка күндөргө карата саткан. Бул 2023-жылдагы эң ири интервенция», — деп айтылат билдирүүдө.
Мурдагы, жетинчи интервенция 5-декабрда болуп, анын алкагында 83 миллион доллар сатылган.
2023-жылы КРнын Улуттук банкы валютанын сатуу боюнча гана иш алып барып, финансылык рыноктун катышуучуларынын өсүп жаткан суроо-талабына жооп берди. Бардык сегиз интервенциянын натыйжасында 853 миллион доллар сатылган.
