Министрликтин маалыматына ылайык, 2026-жылдын 7-январында «Ак-Тилек» өткөрмө пунктунун жанындагы «Сводный пост» боюнча химизация, өсүмдүктөрдү коргоо жана карантин департаменти фитосанитардык контролдун жүрүшүндө 44,2 тонна салмактагы картошка партиясында зарыл фитосанитардык сертификаттын жоктугун аныктаган. Бул продукция жогорку фитосанитардык коркунучка ээ деп классификацияланган.
Министрлик, Евразия экономикалык биримдигинин аймагында карантиндик фитосанитардык контролдун тартиби боюнча 3.7-пунктка ылайык, жүк кайра жиберүүчүгө кайтарылганын тактады.
Ведомство ошондой эле айыл чарба продукциясын өлкөгө алып келүүдө фитосанитардык нормалардын сакталуусун көзөмөлдөө кадимки режимде жүргүзүлүп жатканын белгиледи.
