Эң маанилүү көрсөткүчтөр 2024-2025-жылдарда жетишилди. Кумтор кенинде масштабдуу геологиялык изилдөө иштеринин жүргүзүлүшү 2024-жылы алтын запастарын 147,4 тоннага көбөйтүүгө алып келди, бул маалыматтарды мамлекеттик баланска киргизүүгө мүмкүндүк берди. Бул кендин эксплуатация мөөнөтүн он жылдарга узартат, экологиялык жана социалдык стандарттарды эске алуу менен туруктуу иштешин камсыз кылат.
2023-жылы Кумтордун чалгындоо жайында 121 тонна алтын жана 225 тонна күмүш запастары эсепке алынды. Алардын эксплуатациясы боюнча долбоор 17 жылга пландалган, 2025-жылдын биринчи жарымында долбоордук иштер аяктайт, андан кийин бир катар негизги объектилер ишке киргизилет.
Нарын облусундагы Солтон-Сары кенинин Бучук участогунда алтынды байытуучу фабрика пилоттук режимде иштей баштады, ал алтын өндүрүүнү жүргүзүп жатат.
Мындан тышкары, көмүр тармагына болгон кызыгуунун өсүшү байкалууда. Өткөн жылдын башынан бери катуу углеводороддорду казып алуу боюнча 34 лицензия берилди жана 20дан ашык жаңы участок ишке киргизилди. Алардын арасында Нарын облусундагы алтындуу Шахтал кенин, ошондой эле Ош облусундагы Кожо-Келен жана Беш-Бурхан көмүр кендерин белгилеп кетсе болот.
Бул чаралар ички рынокту отун жана энергетикалык ресурстар менен камсыз кылууга, ошондой эле өлкөнүн экспорттук потенциалын жогорулатууга багытталган.
