Ведомствонун башчысы алтын запастарынын негизги бөлүгү Кумтор кенинде топтолгонун белгиледи. «2024-жылы Кумтордо жүргүзүлгөн геологиялык изилдөөлөрдүн жыйынтыгы боюнча запастардын өсүшү 147 тонна деп бааланууда. Учурда жаңы горизонттор жана участкалар изилденүүдө. Биздин запастарды дагы 180–200 тоннага көбөйтүү боюнча перспективабыз бар. Бул Кумтордун жаныдагы Тоголок кенине тиешелүү, ал иштетүүгө өткөрүлгөн. Запастарды кайра изилдөө иштеринин жыйынтыгы 2 тоннага өсүштү көрсөттү. Учурда Тоголокто алтынды чыгаруучу фабриканын курулуш долбоорунун экологиялык экспертизасы өтүүдө, ал эми кийинки жылы курулуш башталат», - деди ал.
Министр ошондой эле өлкөдө көптөгөн орто жана кичи алтын кендери бар экенин, алардын үстүндө активдүү иштер жүргүзүлүп жатканын кошумчалады. Геологиялык изилдөөнүн жыйынтыктары жыл бою Мамлекеттик комиссиянын кароосуна сунушталат.
Алтындан тышкары, Машиевдин айтымында, 1200 тонна күмүш, 12 000 тонна мыс жана 1,8 миллиард тонна көмүр запастары бар. «Бул негизги пайдалы казындылар. Показательдер жыл сайын жаңы эсептөөлөр менен өзгөрүп турушу мүмкүн. Мамлекеттик комиссиянын ишинин жыйынтыгы боюнча запастар көбөйүшү мүмкүн, ал эми казып алуучу компаниялардын отчетторуна ылайык — азайышы мүмкүн. Бул сандар «жүзөгө» жана дайыма актуалдаштырылып турат», - деп жыйынтыктады министр.
