"Кыргызкомур" маалыматтарына ылайык, кендерди пайдалануунун биринчи жылында даярдык жана кен-техникалык иштер жүргүзүлөт. Көмүр өндүрүү азырынча башталган эмес, анткени шахталарды, жабдууларды жана инфраструктураны даярдоо, ошондой эле кызматкерлерди окутуу талап кылынат. 2025-2026-жылдардын күз-кыш мезгилине көмүр жеткирүү пландалган эмес.
Өндүрүү башталгандан кийин көмүр атайын пункттар аркылуу калкка сатылат. "Сулукту-11" үчүн бул Сулукту шаары жана Лейлек району, ал эми "Маркай" үчүн Манас шаары, ошондой эле Сузак, Озгон жана башка райондор болот.
"Сулукту-11" кенинин аянты 863,1 гектарды түзөт, ал эми бул жердеги көмүр запасы 82,7 миллион тонна деп бааланууда. "Маркай" кенинин аянты 292 гектарды ээлеп, запасы 8,2 миллион тонна.
Көмүрдүн тоннасынын баасы экономикалык эсептөөлөрдүн негизинде Антимонопольдук агенттик тарабынан белгиленет.
