"Кыргызкомур" ААКсынын маалыматына ылайык, 2025-жылдын башынан бери Кара-Кече кесилишинен 978 584 тонна көмүр казылып алынган, ал кийинчерээк калкты камсыздоо жана Бишкектеги ТЭЦке жеткирүү үчүн колдонулган. Казып алуу 255 атайын техниканын жардамы менен жүргүзүлүүдө. Республикада 132 отун сактоочу жай ачылган, анда көмүр 3 290 сомдон 6 800 сомго чейин, логистикага жана аралыкка жараша сатылат. Кесилиште эки көмүр сорттоочу станок иштейт.
Андан кийин министр Ак-Улак көмүр кенине жөнөдү, анда алынган көмүрдүн 30%ы ТЭЦке жумшалат. Жооптуу адамдар көмүрдүн калкка да жеткирилерин жана социалдык муктаждыктар үчүн колдонуларын билдиришти. Азыркы учурда жаңы сорттоочу станок орнотулууда, ал майда көмүрдү ТЭЦке, чоң көмүрдү болсо түздөн-түз калкка жөнөтүүгө мүмкүндүк берет.
Текшерүүнүн жыйынтыгы боюнча министр жооптуу кызматтарга калкка көмүрдүн туруктуу жеткирүүсүн камсыз кылууну, айдоочулардын 24/7 сменалык жумушун уюштурууну жана көмүрдүн жарандар үчүн жеткиликтүүлүгүн кармап турууну тапшырды.
