Депутаттардын Россияга товарларды киргизүү боюнча суроолоруна жооп берип жатып, министр ишкерлер эми РФге киргизүү боюнча НДС төлөөгө милдеттүү экенин тактады.
Сыдыков учурда Wildberries менен кызматташуу боюнча деталдарды иштеп чыгуу жүрүп жатканын, бирок так маалыматты азырынча бере албай турганын кошумчалады.
«28 гектар аянтта логистика борборун түзүү пландалууда. Биз инвестициялык келишимди аяктоого жакынбыз, жана жакынкы убакта макулдашуу процесси башталат. Wildberries өзүнчө борборду түзөт, бул 6,7 миң адамды жумуш менен камсыз кылуучу маанилүү долбоор болот», — деди министр.
Ал ошондой эле объект 2028-жылга чейин эксплуатацияга берилүүгө тийиш экенин билдирди.
Мурда «Легпром» ассоциациясынын директору Азамат Керимбек уулу Wildberriesтин ээси 2023-жылы Кыргызстанга болгон сапарында логистика борбору үчүн жер бөлүү өтүнүчү менен кайрылганын билдирди.
