Депутат мамлекеттик органдардан колдоо сурап, жеткирүү маселелерин чечүүгө кайрылды
Жогорку Кенештин жыйынында депутат Дастан Джумабеков Талас облусунда өскөн фасольду Индияга экспорттоо мүмкүнчүлүгү тууралуу актуалдуу маселени көтөрдү. Ал президенттин жана министрлер кабинетинин парламенттеги өкүлү Алмасбек Абытовго жардам сурап кайрылды.
Джумабековдун айтымында, жергиликтүү фермерлер өлкө ичинде фасольдун туруктуу баасынан улам финансылык жоготууларга учурап жатышат. Ошол эле учурда, ишкерлердин айтымында, Индияда бул продуктка жогору суроо-талап жана жагымдуу баа бар. Бирок экспорттоонун негизги тоскоолдугу документтер болуп саналат: Кыргызстанда берилген фитосанитардык маалымкат Индияда таанылбайт.
Депутат Кыргызстан менен Индиянын экономикалык байланыштары бекемделгенин белгилеп, бул маселени тиешелүү мамлекеттик мекемелер, элчилик же түз сүйлөшүүлөр аркылуу чечүүгө болорун айтты.
Сүрөт www
