Энергетика министри Таалайбек Ибраев Ысык-Көл облусуна жумушчу сапар менен барып, жаңылануучу энергия булактары менен алектенген компаниялардын өкүлдөрү менен жолугушту.
Алгач министр Тору-Айгыр айылында «Юнигрин» компаниясы тарабынан курулуп жаткан күн электр станциясынын курулуш процессин таанышты. Текшерүү учурунда техникалык директор Тимурлан Кадинов учурдагы иштер жана пландар тууралуу маалымат берди. Ал курулуш иштеринин активдүү жүрүп жатканын белгиледи.
Бүгүнкү күндө төмөнкү тапшырмалар аткарылды:
- участкалардын 80% пландалган;
- тосмолордун 95% орнотулган;
- биринчи кезектеги опордук конструкциялардын 50% жеткирилген;
- биринчи кезектеги опордук конструкциялар үчүн свайлардын 6% кагылган;
- суунун коргоо курулуштарын, анын ичинде суу агызуучу каналдарды түзүү;
- дренаждык көлдөрдүн 50% даяр;
- 220 кВ ЛЭП үчүн опорлордун котловандарын даярдоонун 40%;
- опорлорду чогултуу процессинде.
100 МВт кубаттуулуктагы күн электр станциясын ишке киргизүү 2026-жылдын 31-августуна пландалган.
Мындан тышкары, Ибраев «РЭЦА» компаниясы тарабынан жүргүзүлүп жаткан күн электр станциясындагы курулуш иштерин текшерди. Проекттин директору Фам Минь Баг жана курулуш аянтчасынын жетекчиси Нгуен Минь Туан менен жолугушууда ал долбоордун абалы тууралуу маалымат алды.
Алардын айтымында, учурда 17 МВт кубаттуулуктагы күн электр станциясындагы иштердин 10% аяктады. Учурда жумушчулар үчүн убактылуу турак жайдын курулушу аяктады, подстанциянын фундаментин коюу жана 110 кВ электр линиясынын 50% өткөрүү иштери жүргүзүлдү. 175 МВт кубаттуулуктагы долбоордун биринчи фазасы 2026-жылдын биринчи жарымында аяктоо пландалууда.
Министр Ибраев иштердин сапаты жана ылдамдыгын көзөмөлдөөнүн маанилүүлүгүн белгилеп, компаниянын жетекчилигине курулушту көзөмөлдөөнү күчөтүүнү тапшырды.
