Долбоор мал чарбачылыгынын бардык этаптарын — семиртүүдөн даяр продукцияны сатууга чейин камтыган бирдиктүү өндүрүш-логистика чынжырын түзүүгө багытталган. Эт кластеринин катышуучулары, фермерлер жана агробизнестин өкүлдөрү, төмөн пайыздык ставкалар менен жеңилдетилген кредиттерге ээ боло алышат.
Жалпы каржылоо көлөмү 1,5 миллиард сомду түзөт. Жеңилдетилген кредиттер мамлекеттик банктар аркылуу берилет, деп тактады Минводсельпром. Бул долбоор азык-түлүк рыногундагы бааларды стабилдештирүү үчүн негизги кадамдардын бири катары каралууда.
