Кожомбердиеванын айтымында, тамактануу жайлары тамактарды, сервировка же башка кызматтарды негизги заказ баасынан бөлөк акча алууга укугу жок. Кызмат көрсөтүүнүн бардык чыгымдары меню же кардарга заказды бергенге чейин жеткиликтүү болгон баа тизмесинде көрсөтүлгөн баада эске алынышы керек. Акыркы сумма прейскурантта жарыяланган баага ылайык келиши керек.
Ал ошондой эле, кызмат көрсөтүү үчүн алынуучу акчанын жоюлушу менен тамактардын баасынын жогорулашы тууралуу кооптонуулар негизсиз экенин белгиледи. «Кээ бирлери, тамактардын баасынын жогорулашы сөзсүз, анткени мекемелер бул акчаны официанттардын эмгек акысы жана башка чыгымдар үчүн колдонушат, деп айтышууда. Бирок, эмгек акыны жумуш берүүчүлөр төлөшү керек, кардарлар эмес», — деп баса белгиледи Кожомбердиева.
Мындан тышкары, ал жаңы токтомду сактабаган үчүн административдик чаралар каралганын эскертти.
