Текшерүүнүн жүрүшүндө балыкты негизинен дренаждык сууларды колдонуу менен өстүрүлүп жатканы аныкталды.
Дренаждык суулар кышында тоңбой, балык өстүрүүгө ыңгайлуу шарттарды түзгөнүнө карабастан, мыйзамдар мындай системаларды балык чарбаларын жайгаштырууга пайдаланууга катуу тыюу салат.
Кыргыз Республикасынын Суу кодексине ылайык, дренаждык жана ирригациялык системалар жайгашкан суу ресурстары жана жерлер мамлекеттик менчик болуп саналат. Айыл өкмөттөрүнүн дренаждык тармактарды пайдаланууга берүү боюнча ыйгарым укуктары жок болгондуктан, алар менен түзүлгөн келишимдер күчүнө кирбейт.
Мындан тышкары, мониторинг учурунда айрым жайыттарда, алдын ала трансформациясыз ижарага берилген, жердин уруктуу катмарынын алынган учурлары катталды. Бул мыйзам бузуулар боюнча ижарачыларга тиешелүү эскертүүлөр берилди.
Мурда регионалдык башкармалык бул мыйзам бузуулардын кесепетин 122 673,6 сом деп баалаган жана тиешелүү материалдар Бакай-Атин райондук прокуратурасына жөнөтүлгөн. Алты балык чарбасы боюнча мыйзамдуу чараларды көрүү улантылууда.
