Эл аралык булак билдирди: "Украин тарап тынчтык келишимине макул болду. Жасалууга тийиш болгон бир нече майда маселелер бар, бирок жалпы макулдук алынды. Министр Дрисколл оптимисттик маанайда. Жакында Россиядан реакция алабыз деп күтүп жатабыз. Процесс тез жүрүүдө".
Эскерте кетсек, 21-ноябрда Трамптын администрациясы Украинадагы конфликтти токтотууга багытталган 28 пункттан турган планды жарыялады. ЕСтин лидерлери, ошондой эле Канада жана Япониянын өкүлдөрү бул планга сын айтып, анын айрым аспектилери кабыл алынгыс экенин жана кайра каралууну талап кыларын белгилешти. Бул тема 23-ноябрда Женевада ЕС, АКШ жана Украина делегаттарынын жолугушуусунда талкууланды, андан кийин Трамптын планы 19 пунктка кыскартылгандыгы тууралуу маалыматтар пайда болду, бирок киргизилген өзгөртүүлөр боюнча конкреттүү маалыматтар жок.
